کراچی میں طالبان کے6 مبینہ دہشت گرد گرفتار

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے شہر کراچی میں سندھ رینجرز نے اتحاد ٹاؤن سے کالعدم تحریک طالبان کے 6 مبینہ دہشت گردوں کو گرفتار کرنے کا دعویٰ کیا ہے۔  ترجمان سندھ رینجرزکی جانب سے جاری بیان کے مطابق کراچی میں بلدیہ ٹاؤن کے علاقے اتحاد ٹاؤن میں رینجرز اہلکاروں نے مصدقہ اطلاعات پرکارروائی کی۔ آپریشن کے دوران رینجرزنے 6 دہشت گردون کو گرفتارکرکے ان کے قبضے سے اسلحہ برآمد کرلیا۔ ملزمان کو نامعلوم مقام پرمنتقل کردیا گیا ہے جہاں ان سے تفتیش کی جارہی ہے۔ واضح رہے کہ 2 روز قبل اتحاد ٹاؤن میں فائرنگ سے 4 رینجرز اہلکار ہلاک ہوگئے تھے۔